ԿԱՆՈՆՆԵՐ
Ընդհանուր
դրույթներ
Մասնակցություն
- Մրցույթին կարող են մասնակցել Արցախյան պատերազմներին, ինչպես նաև սահմանային ռազմական բախումներին մասնակցած զինվորականները՝ զորակոչիկ, կամավոր, պահեստազորային, սպաներ և ենթասպաներ, բժիշկներ և այլն:
- Կարող են ներկայացվել նաև պատերազմի ընթացքում զոհվածների նյութերը:
- Մրցույթին մասնակցելու համար որևէ տարիքային, սեռային սահմանափակում չկա:
Ներկայացվող ստեղծագործություններ
-Ներկայացվող ստեղծագործությունների թեմատիկ ընտրության սահմանափակումներ չկան։ Ստեղծագործողներն ազատ են իրենց ստեղծագործության թեմայի ընտրության մեջ։
- Ներկայացվող ստեղծագործությունների ծավալը չի սահմանափակվում, սակայն այն պետք է համապատասխանի տվյալ ժանրին և ոճին բնորոշ ողջամիտ և ընդունված չափերին։
- Ստեղծագործությունները չպետք է լինեն հրատարակված:
Գրական ոճեր
Գեղարվեստական
Արձակ (պատմվածք, վիպակ, վեպ և այլն), պիես:
Վավերագրական
(վավերա-գեղարվեստական)
Օրագրեր, հուշեր, գրառումներ, որոնք կարող են ունենալ գեղարվեստական տարրեր, բայց պետք է արտացոլեն միայն իրական, վավեր դեպքեր:
Վերլուծական
Առանձին ռազմական դրվագների կամ ամբողջական գործողությունների, ճակատների ռազմական մասնագիտական վերլուծություն, ռազմական դրվագների կամ ամբողջական գործողությունների փորձի իմաստավորում, համակարգում, և/կամ ռազմական փորձից բխող առաջարկների փաթեթ:
Գրական սեռեր
Ուղղակի կերպի օրինակներ
- Ռազմական գործողությունների նկարագրություն՝ վավերագրական, գեղարվեստականացված;
- Ռազմական գործողություններին մասնակցության վերապրման, փորձի նկարագրություն;
- Ռազմական գործողությունների վերլուծություն, փորձի ամփոփում:
Անուղղակի կերպի օրինակներ
Պատերազմին մասնակցության փորձի վրա հիմնված ընդհանրացումներ՝ գեղարվեստական, էսսեիստական և այլն: Վեջրիններս պարտադիր չէ, որ արտացոլեն կամ նկարագրեն կոնկրետ և իրական դեպքեր, կամ էլ վերաբերեն պատերազմին բառացի, սակայն պետք է առնչվեն պատերազմին մասնակցելու փորձին կամ հիմնվեն դրա վրա։
Մրցանակներ
Ընդհանուր դրույթներ
- Մրցանակները սահմանվում են անկախ ներկայացված ստեղծագործության սեռից և ժանրից:
- Ըստ հայեցողության և հանգամանքների՝ ժյուրին կարող է սահմանել նաև հատուկ մրցանակներ, օրինակ` պատերազմում զոհվածների նյութերի, մրցույթի առավել երիտասարդ տաղանդավոր մասնակցի, ռազմական վերլուծության համար և այլն։
Մրցանակային տեղեր
1-ին մրցանակ - 700,000 ՀՀ դրամ
2-րդ մրցանակ - 500,000 ՀՀ դրամ
3-րդ մրցանակ - 300,000 ՀՀ դրամ
Հատուկ մրցանակ - 300,000 ՀՀ դրամ
Հատուկ մրցանակը սահմանվում է լավագույն վերլուծական աշխատանքի համար։
Հայտերի ներկայացում
Դիմելու կարգ
Մրցույթին դիմելու համար անհրաժեշտ է լրացնել հետևյալ հայտադիմումը և ամբողջությամբ լրացված և ստորագրված հայտի հետ ներկայացնել ստորև նշված փաստաթղթերը՝
- Անձը հաստատող փաստաթուղթ
- Ինքնակենսագրություն
- Ստեղծագործությունը` թվայնացված տարբերակով
Ժամանակացույց
- Հայտերի ներկայացման վերջնաժամկետն է 2025 թ.-ի հուլիսի 1-ը:
- Մրցույթի արդյունքների հրապարակման վերջնաժամկետն է 2025 թ.-ի սեպտեմբերի 21-ը: